ക്യാമറയുമായി വിനുവിനൊപ്പം ആ വരാന്തയിലൂടെ നടക്കുമ്പോൾ ചുറ്റും കാണുന്ന മുഖങ്ങളിലെ ഭാവങ്ങൾക്ക് ഒരുപാട് അർത്ഥങ്ങൾ ഉള്ളതായി തോന്നി.. ചെറുപുഞ്ചിരികളും അതുപോലെ പൊട്ടിച്ചിരികളും.. അടക്കിപ്പിടിച്ച തേങ്ങലുകളും അർത്ഥമില്ലാത്ത കുറെ പുലമ്പലുകളും പക്ഷേ അതൊക്കെ എല്ലാം ഇവിടെ ഒരു പേരു മാത്രമേയുള്ളൂ ഭ്രാന്ത്.. ക്യാമറ കണ്ണുകളിലൂടെ ജില്ലയിലെ മാനസികാരോഗ്യ കേന്ദ്രത്തിലെ ചിത്രങ്ങൾ പകർത്തുമ്പോൾ ഒരു കാര്യം ഞാൻ തിരിച്ചറിഞ്ഞു ഈ കെട്ടിടങ്ങളും ഇവിടത്തെ അന്തേവാസികളും അവരുടെ മനസ്സെല്ലാം ഒരുപോലെയാണ് എന്ന് രണ്ടും ഇരുൾ അടഞ്ഞുപോയത്.. ഏറെ പഴകി ദ്രവിച്ചിരിക്കുന്നു.. തീർത്തും അരക്ഷിതമായ ഒരു അവസ്ഥ.. ചന്ദ്രേട്ടാ.. സീനിയർ സൈക്കാട്രിസ് ഡോക്ടർ ജെയിംസിന്റെ ശബ്ദം എന്നെ ചിന്തകളിൽ നിന്നും ഉണർത്തി.. ഇതാണ് ചന്ദ്രേട്ടൻ.. ഞങ്ങൾക്ക് നേരെ നടന്നുവന്ന മനുഷ്യനോട് ഡോക്ടർ പരിചയപ്പെടുത്തി..
ഇവിടുത്തെ വാർഡൻ എന്നോ അല്ലെങ്കിൽ അറ്റൻഡർ എന്നോ ഹെൽപ്പർ എന്നോ സെക്യൂരിറ്റി എന്നോ.. പിന്നെ ഇടയ്ക്ക് എല്ലാം ഡോക്ടർ എന്നും എന്തു വേണമെങ്കിലും നിങ്ങൾക്ക് വിശേഷിപ്പിക്കാം.. ഞങ്ങൾക്ക് എല്ലാമാണ് ചന്ദ്രേട്ടൻ.. എന്നെക്കാൾ ഏറെ മൂപ്പർക്ക് ഇവിടെ അത്രയും പരിചിതമാണ്.. പ്രായം 60 വയസ്സിന് മുകളിൽ പ്രതീക്ഷിക്കാം.. നിറം മങ്ങിയ വെള്ള മുണ്ടും ചുളിവ് വീണ ഒരു ഷർട്ടുമാണ് വേഷം.. നെറ്റിയിലേക്ക് അലസമായി വീണുകിടക്കുന്ന മുടിയിഴകളിലേക്ക് അവിടെ അവിടെയായി കുറച്ചു നര ബാധിച്ചിരിക്കുന്നു.. പക്ഷേ ശരീരവും അദ്ദേഹത്തിന് മനസ്സും ഇപ്പോഴും ഒരുപോലെ പ്രസരിപ്പ് ഉള്ളതാണ് എന്ന് തോന്നിപ്പിക്കുന്ന വിധത്തിൽ ആയിരുന്നു വേഗം ഏറിയ ആ കാലുകളുടെ ചലനങ്ങൾ. പരിചയപ്പെടുത്തലുകൾക്ക് ഇടയിൽ ഞാൻ അദ്ദേഹത്തെ നല്ലപോലെ ശ്രദ്ധിച്ചു.. ഒരു ചെറുപുഞ്ചിരിയോടുകൂടി അദ്ദേഹം ഞങ്ങൾക്ക് ഹസ്തദാനം നൽകി.. ജെയിംസ് ഡോക്ടർ ഇന്നലെ പറഞ്ഞിരുന്നു ഇവിടുത്തെ അന്തേവാസികളെ കുറിച്ച് പടം പിടിക്കാനായി ചാനലിൽ നിന്ന് ആളുകൾ വരുന്നു എന്ന്..
ഇവിടെയാകുമ്പോൾ ഇഷ്ടംപോലെ കഥകൾ കിട്ടും.. മൊത്തത്തിൽ 58 അന്തെവാസികൾ ഉണ്ട് ഇവിടെ.. ഓരോ മനുഷ്യർക്കും ഓരോ കഥകളാണ്.. പക്ഷേ അവരുടെ കഥ അവർക്ക് തന്നെ അറിയില്ല.. അവർക്ക് വെറും അതൊരു കഥയില്ലാത്ത ജീവിതം മാത്രം.. ഞങ്ങൾക്ക് എന്തെങ്കിലും സംസാരിക്കാനോ അല്ലെങ്കിൽ പറയാനോ ഒരു അവസരം പോലും നൽകാതെ അദ്ദേഹം തന്റെ സംസാരം തുടർന്നുകൊണ്ടിരുന്നു.. ഇവിടുത്തെ സ്ഥിതിഗതികൾ കുറച്ച് മോശമാണ്. അധികാരികൾക്ക് അറിയാമോ ഈ ഭ്രാന്തന്മാരുടെ ആവശ്യങ്ങൾ. ചന്ദ്രേട്ടന്റെ മുഖത്ത് നിരാശകൾ വന്നു.. കുറച്ചു പ്രശ്നക്കാരായ ആളുകളെ എപ്പോഴും സെല്ലിൽ തന്നെ അടച്ചിടും. പിന്നെ നിരുഭദ്രവകാരികളായ ആളുകളുണ്ട്.. ദേ ആ കാണുന്ന ആളുകൾ പോലെ. അദ്ദേഹം വിരൽ ചൂണ്ടിയ ഭാഗത്തേക്ക് നോക്കുമ്പോൾ ഇളം പിങ്ക് നിറമുള്ള യൂണിഫോം ധരിച്ച കുറെ പുരുഷന്മാർ അവരുടെതായ ലോകത്ത് പോലെ എന്തൊക്കെയോ പ്രവർത്തികളിൽ മുഴുകിയിരുന്നു. കൂടുതൽ വിശദമായി അറിയാൻ വീഡിയോ കാണുക….