രാവിൻറെ നിശബ്ദതയെ കീറിമുറിച്ച് ഒരു നിലവിളി അന്തരീക്ഷത്തിലൂടെ ഒഴുകിവന്നു.. ഉറക്കം ഞെട്ടി കട്ടിലിൽ എഴുന്നേറ്റ് ഇരിക്കുമ്പോൾ തൊട്ടപ്പുറത്തെ അമ്മയുടെ റൂമിൽ നിന്നും ശാപവാക്കുകൾ കേൾക്കാമായിരുന്നു.. അസത്ത് പാതിരാത്രി ആയാൽ പിന്നെ തുടങ്ങും കിടന്ന് കത്താൻ.. ഇവിടെ ഒരു പെൺകൊച്ചിനെ കെട്ടിക്കാൻ പ്രായമായി.. ഈ പ്രാന്തി കാരണം അതിൻറെ കാര്യം എന്താകുമോ എന്തോ ഭഗവാനെ.. നീ ഒന്നും മിണ്ടാതിരിക്ക് ഉഷെ.. ചിന്നു തൊട്ടടുത്ത മുറിയിൽ ഉണ്ട് അവൾ കേൾക്കും.. അച്ഛൻ പറഞ്ഞത് കേട്ടിട്ടാണോ എന്തോ പിന്നീട് ശബ്ദം ഒന്നും കേട്ടില്ല.. കുറെ നേരം കൂടി ആ നിലവിളി കേട്ടു.. പിന്നീട് പതുക്കെ അത് ഇല്ലാതായി.. പാവം വിശന്നിട്ട് ആകും.. അമ്മ വല്ലപ്പോഴും എന്തെങ്കിലും കൊടുത്താൽ ആയി..
രാധു ചിറ്റ അമ്മയുടെ അമ്മാവൻറെ മകളാണ്.. പഠിക്കുന്ന സമയത്തൊക്കെ ഒരുപാട് സമ്മാനങ്ങൾ ഒക്കെ വാങ്ങിച്ച ആളാണ് എന്ന് പറഞ്ഞു കേട്ടിട്ടുണ്ട്.. ഇപ്പോഴും ഉണ്ട് ആ വീട് നിറയെ പുസ്തകങ്ങൾ.. ചിറ്റ എഴുതിയ കവിതകളെല്ലാം അതിൽ ഇപ്പോഴും ഉണ്ട് എന്ന് അച്ഛൻ പറഞ്ഞു കേട്ടിട്ടുണ്ട്.. പക്ഷേ ഞാൻ കാണുന്ന കാലം തൊട്ടേ ചിറ്റ ഇങ്ങനെയാണ്.. മകളുടെ അവസ്ഥ കണ്ട് നെഞ്ചു പൊട്ടിയാണ് അവരുടെ അച്ഛൻ മരിച്ചത് എന്നാണ് കേട്ടിട്ടുള്ളത്.. ഏതായാലും അതിനുശേഷം ചിറ്റ തറവാട്ടിലാണ്.. അച്ഛനും അച്ഛമ്മയും ഒക്കെ ഉള്ള സമയത്ത് അവർ ചിറ്റയുടെ കൂടെയായിരുന്നു.. കഴിഞ്ഞകൊല്ലം അച്ഛമ്മ മരിച്ചതോടെ പിന്നീട് ആരും അങ്ങോട്ട് പോകാറില്ല.. അമ്മ വല്ലപ്പോഴും പോയി കുറച്ചു ചോറ് വെച്ചിട്ട് വരും.. വേറെ ആരും അങ്ങോട്ട് പോകാറില്ല..
ഉച്ചയൂണ് കഴിഞ്ഞ് അകത്തിരുന്ന് പഠിക്കുന്ന സമയത്താണ് അമ്മ ചിറ്റയ്ക്ക് ചോറും കൊണ്ട് പോകുന്നത് കണ്ടത്.. ചോറ് അവിടെ കൊണ്ട് വെച്ച് അമ്മ തിരിച്ചുവന്ന് പെട്ടെന്ന് തന്നെ ഉറങ്ങാൻ കിടന്നു.. ഇനി വെയിൽ പോയിട്ട് മാത്രമേ എഴുന്നേൽക്കുകയുള്ളൂ.. പതുക്കെ അവിടെ പോയി വാതിൽ തുറന്നു നോക്കി.. അവിടെ കാൽ നീട്ടിയിരുന്നു കൊണ്ട് ചിറ്റ ഭക്ഷണം കഴിക്കുന്നു.. ഒരു സാരി വെറുതെ ഇട്ടിട്ടുണ്ട് എന്നല്ലാതെ വേറെയൊന്നും ദേഹത്ത് ഇല്ല.. കാലിൽ നീണ്ടു കിടക്കുന്ന ചങ്ങല.. കട്ടിലിന്റെ തലയ്ക്കൽ കെട്ടി ഇരിക്കുന്നു.. ചുറ്റും ഭക്ഷണത്തിൻറെ അവശിഷ്ടങ്ങൾ ചിതറി കിടക്കുന്നു.. കൂടുതൽ വിശദമായി അറിയാൻ വീഡിയോ കാണുക…